Saraakiisha iyo askarta ciidanka Yahuudda ayaa maalinba maalinta ka dambeysa si daran ugu dhiigbaxaya furimaha dagaalka ee marinka Gaza, waxayna maanta mar kale qirteen in saraakiil sar sare iyo askar hor leh looga dilay jiidda dagaalka.
Taliska ciidanka maamulka gumeystaha ayaa qirtay in 10 askari oo badi ay saraakiil sar sare yihiin looga dilay weerar kamiin ah oo ka dhacay waqooyiga marinka Gaza, gaar ahaan xaafadda Shujaaciyah.
Saraakiisha ciidanka ee laga dilay sahyuuniyadda waxaa ka mid ahaa Kornayl lagu magacaabi jiray Isxaq Bin Bashiit oo da’diisu ay Yahuudda ku sheegeen 44 jir, kaas oo ka mid ahaa saraakiisha sar sare ee ciidamada Yahuudda, waxaa sidoo kale saraakiisha la dilay ka mid ahaa Kaptan ciidan oo lagu magacaabi jiray Ciran Alowni oo ahaa 19 jir haystay katiibada 51-aad ee Juulaan.
Maamulka ixtilaalka ku haysta dhulalka muslimiinta ee Falastiin ayaa dhanka kale soo bandhigay sawirada labadaasi sarkaal iyo askarta iyo saraakiisha kale ee looga dilay kamiinka ka dhacay xaafadda Shujaaciyah ee marinka Gaza.
About The Author
