Degmada Doolow ee gobolka Gedo waxaa ka taagan xiisad aad u xooggan oo u dhaxayso kooxda Riddada Soomaaliya iyo maamul goboleedka ashahaada la dirirka Jubbaland, kaddib markii maamulka Riddada Axmed Madoobe ugu magacaaban degmadaasi uu ka hortagay saraakiil iyo maleeshiyaad kooxda Riddadu doonaysay inay ka dejiso degmadaasi.
Wararku waxay sheegayaan in diyaarad ay wateen saraakiisha kooxda Xasan Gurguurte oo doonaysay inay ka degto garoonka Dooloow ee Gedo is hortaag lagu sameeyay, laguna qasbay inay ka degto dhanka deegaanka Doolow Ado ee Itoobiya gumeysiga ku haysato.
Ilo wareedyo ayaa sheegaya in wafdiga saraakiisha Riddada ee diyaaradda la socday ee loo diiday inay ka degtaan Doolow uu ka mid yahay taliyaha ciidanka lugta Riddada murtad Khaalid, kuwaas oo wararka qaar ay sheegayaan in la rassaaseeyay xilli diyaaraddu damacsanayd inay ka degto garoonka Doolow, balse ku qasbanaatay inay caga dhigato dhanka deegaannada ay xoogga ku haystaan Itoobiyaanka.
Saraakiisha kooxda Riddada Somalia, ayaa deegaanka Dooloow Addo kulamo kula qaatay saraakiil ka tirsan ciidamada saliibiyiinta Itoobiya, lama shaacin waxay ka wada hadleen labada dhinac, inkastoo uu kulankaasi yimid markii wafdiga kooxda Gurguurte uu ku hungoobay inay ka degaan Dooloow.
Xiisadda ka dhalatay arrintaasi ayaa ka taagan degmda Dooloow, waxaana sidaas ku fashilmay isku dayga kooxda Gurguurte ee ahaa inay ciidamo iyo saraakiil ka dejiso magaaladaasi oo uu gacanta ku hayo maamul taabacsan Axmed Madoobe.
About The Author
