Ciidamada Xarakada Mujaahidiinta Al-Shabaab ayaa waxay si rasmi ah ula wareegeen degaano ka tirsan gobolka Bay oo ay horey gacanta ugu hayeen askar ka tirsan ciidanka Koofurgalbeed oo ay Xabashidu tababartay.
Shalay aroortii hore waxay dagaal kula wareegeen Daynuunaay oo ah degaan istaraatiiji ah 25km-na u jira magaalada Baydhabo ee xarunta gobolka Bay, halkaasoo ay ku dileen 3 sarkaal iyo 14 askari kuna gubeen 2 gaari.
Sidoo kale waxay saaka aroortii dagaal la’aan la wareegeen degaan kale oo istaraatiiji u ah Baydhabo oo la yiraahdo Goofgaduud Buurrey.
Ciidamadii maamulka Koofurgalbeed ayaa aroortii hore isaga cararay degaanka cabsi darteed waxaana durbadiiba la wareegay milatari aad u qalabaysan oo ka tirsan Al-Shabaab.
Sida aan xogta ku heleyno waxaa halkaasi Al-Shabaab kusoo dhaweeyay dad weynaha iyagoo baaritaano ka sameeyay saldhigyadii ay ka carareen askarta Koofurgalbeed.
Ciidamada Al-Shabaab ayaa sii laba jibbaaray weerarada ka dhanka ah shisheeyaha iyo maamullada ku daaban waxaana ay weeraradan u muuqdaan kuwa sii wiiqaya dhinacyadaasi, maadaama ay godad ku uruureen ciidamadii ay difaaca ka dhigannayeenna uu xaalkoodu sidan yahay.
About The Author
