Ciidamo aad u hubeysan oo katirsan Xarakada Mujaahidiinta Al Shabaab ayaa si buuxda ula wareegay gacan ku heynta deegaannada kaabiga ku haya xad beenaadka ay wadaagaan Kenya iyo Soomaaliya ee dhanka Jubbada Hoose.
Deegaanka ay la wareegeen xoogaga Al Shabaab oo lagu magacaabo Dag caday waxaa saldhig ku lahaa maleeshiyaadka maamulka isku magacaabay Jubbaland.
Dadka deegaanka ayaa sheegay in iska hor’imaad kooban uu dhaxmaray maleeshiyaadka Axmed Madoobe iyo ciidamada Al Shabaab kadibna ay ‘mujaahidiintu’ si buuxda ula wareegeen deegaanka.
Saraakiil katirsan ciidamada Mujaahidiinta Al Shabaab ayaa goob fagaare ah kula hadlay dadka deegaanka waxayna ugu baaqeen in ay ka qeyb qaataan halganka lagula jiro ciidamada shisheeye ee dalka Soomaaliya ka socda.
Wararka ayaa intaas ku daraya in xoogaga weerarka qaaday ay dagaalka ku qabsadeen gaari uu lahaa maamulka isku magacaabay Jubbaland ee horay umaamulayay deegaanka Dag caday.
Xaaladda deegaanka Dag caday ee dagaalku ka dhacay ayaa deggan waxaana ku sugan xoogagga Al Shabaab waana deegaan hoos taga degmada Dhoobleey ee xuduud beenaadka kulaasha.
Maleeshiyaadka maamulka Axmed Madoobe ee deegaankaas ku sugnaa ayaa Indho u ahaa ciidamada gummeysiga Kenya oo maalmihii lasoo dhaafay howlgallo raaf ah ka waday deegaannada hoos yimaad Dhoobleey.
About The Author
