Kaddib markii madaxda dowladda Riddada ay boobeen hantidooda, ka hor istaageen shaqdooda, kusoo rogeen lacago xad dhaaf ah, murtadka ugu sarreeyay na uu si bareer ah u aflagadeeyay kuna tilmaamay kuwa tuugo ah, ayay kacdoon ballaaran ku dhawaaqeen dhalinyarada magaalada Muqdisho.
Magaalada Muqdisho ee caasimadda Somalia, waxaa maanta gilgilay isku soo bax waawayn oo looga soo horjeedo kooxda Riddada Somalia, kaasi oo ay ka sameeyeen bartamaha caasimadda.
Kacdoonka oo xooggiisa uu maanta dhacay, ayaa soo billowday shalay, waxayna dhalinyarada caasimada oo ay qayb wayn ka yihiin bajaajleyda ka howlgasha Muqdisho kaga cabanayaan boobka laxaadsaday ee ay waddo kooxda murtad Xassan Sheekh Maxamuud.
Wadeyaasha bajaajta oo ka mid ah gaadiidka sida wayn looga isticmaalo Muqdisho, qaybna ka ah dibadbaxa ayaa isugu yimid Isgoyska KM4 ee caasimadda, halkaas oo ay ku muujiyeen dhibaatooyinka xargaha goostay ee ay kala kulmayaan madaxda iyo saraakiisha dowladda Riddada.
Kooxda Xassan Gurguurte oo isku dayday inay awood ciidan ku joojiso isku soo baxa iyada ka dhanka ah, ayaa ku guuldarraysatay, muuqaallo iyo sawirro lagu faafiyay baraha bulshada ayaa muujinayay maleeshiyo ka tirsan Riddada oo rassaas nool la dhacaya kacdoon wadeyaasha.
Mid ka mid ah wadeyaasha moota bajaajta ayaa sheegay in mootadiisa uu xoog ku haysto sarkaal ka tirsan sirdoonka ashahaada la dirirka ah ee NISA loogu yeero, isagoo intaas ku daray in madaxda Riddadu noqdeen kuwa bahalo ah oo boobay hantidii shacabka.
Kacdoon wadeyaasha waxay sidoo kale ku dhawaaqayeen erayo ka dhan ah madaxda kooxda Riddada ee dhibaatada ku hayo bulshada ku dhaqan magaalo madaxda dalka.
Shacabka caasimadda ku dhaqan ayaa dhibane u ah dulmiga ay ku hayso kooxda Riddada, gaar ahaan madaxdeeda, kuwaas oo si la mid ah dhibaatada haysata reer Muqdisho ka gaysanaya magaalooyinka kale ee ay ka arimiyaan ee gobollada dalka.
About The Author
