Wararka ka imaanaya galbeedka gobolka sitti ee dhulka Soomaali-galbeed, ayaa sheegaya in dagaallo saacado badan qaatay ay ka dhaceen hareeraha deegaanka Candhuufo.
Maleeshiyaadka Cafarta ayaa la sheegay in laga qabsaday dhowr deegaan oo ay maamulayay labadii sanadood ee lasoo dhaafay.
Maleeshiyaadka soomaalida ayaa la sheegay in ay lawareegeen deegaanka Daymeed oo kaabiga ku hayso magaalada Garba Ciise oo laba sano ka hor ay Cafartu ku dileen ku dhowaad 400 qof oo ubadan dad shacab ah.
Goob joogayaal ku sugan goobaha lagu dagaallamayo ayaa sheegay in dagaalka aan waxba layskula kala harin uu ka socdo halka loo yaqaan Madaceel.
Dhinaca kale dowladda Xabashida Itoobiya ayaa kumanaan askari u dirtay galbeedka gobolka sitti waxaana la sheegay in ciidamadan ay maleeshiyaadka Cafarta u difaacaan magaalada Candhuufo.
Dagaalladan laayaanka ah ayaa yimid kaddib isbuuc ay dhinacyadu kala nasanayeen balse lama oga sida ay xaaladdu sii noqon doonto, waxaa xusid mudan in boqolaal qoys oo ubadan xoola dhaqato ay isaga firxanayaan dhulka miyiga ah ee lagu dagaallamayo.
About The Author
