Markale taliska ciidanka Mareykanka ee qaaradda Afrika ayaa ku celiyay in uusan sii wedi doonin taageerada ciidan iyo midda amni ee uu siiyo dowladaha dhaca qaaradda Afrika xilli mujaahidiinta ka halgamaysa qaaradda ay sii xoojiyeen dagaalka jihaadka ah.
Mas’uulka ugu sarreeya ciidanka Mareykanka ee loo yaqaan AFRICOM ayaa magaalada Nairobi ee dalka Kenya ka sheegay in uu sii idlaanayo waqtigii uu Mareykanku sii wedayay taageerada uu siiyo ciidamada Afrikaanta ah.
Jeneraal Michael Langley oo ah taliyaha AFRICOM ayaa taliyaasha ciidamada dowladaha Afrika kula hadlay magaalada Nairobi wuxuuna tafaasiil dheeraad ah ka bixiyay marxaladihii ay soo martay taageerada Mareykanka ee dowladahan isagoo walaac ka muujiyay in isbedello uusan Mareykanku jeclaysan ay suurtagal tahay in ay ka xasilaan waddamo dhaca Afrika.
“Ma ahan mas’uuliyadda Mareykanka in uu sii ahaado ilaaliyaha nabadda Afrika, waxaa lajoogaa waqtigii uu dal walba mas’uuliyad iska saari lahaa ilaalinta amnigiisa” ayuu hadalkiisa sii raaciyay Jeneraal Langley.
Mar uu soo hadal qaaday hubanti la’aanta ka taagan maalgelinta ciidamada kufaarta afrikaanta ee duullaanka ku jooga soomaaliya ayuu sheegay in arrinkaas ay wiiqayso howlgallada ashahaadda ladirirhimo ee ka socda dalka.
Wuxuu intaa ku daray in isbeddelka mudnaanta difaaca ee Maraykanka iyo istaraatiijiyadda qaran oo dib loo habeeyey ay keenayso in la dhimo kaalmada milatari iyo barnaamijyada tababarka ee Mareykanka uu siinayay dowladaha saliibiyiinta afrikaanta ah.
Wuxuu si gaar ah u sheegay in ay dhimayaan wax uu ugu yeeray kaalmadii ay siin jireen dalal ay ku jirto Soomaaliya inkastoo ay sii xoogeysteen dagaalyahanada jihaadiga Al Shabaab waxaana xilligii uu hadalkan jeedinayay hareertiisa fadhiyay Jeneraal Odawaa Yuusuf Raage oo ah taliyaha maleeshiyaadka kooxda Riddada Soomaaliya.
Gaal Michael Langley wuxuu ka qeylla dhaamiyay tabaha ay mujaahidiinta alshabaab adeegsanayaan si kasta oo diyaaradaha Mareykanku ay duqeymo uga geysanayaan furimaha dagaalka ayay sii wadaan taqadumka ay ku baacsanayaan maleeshiyaadka murtadiinta ee carratuurka u ah saliibiyiinta.
Wuxuu carrabaabay in weerarada kamaa’inta ah iyo qaraxyada miinooyinka loo adeegsado ay yihiin hub halis ah oo dhibaato weyn ku haya xulufada Mareykanka ee dhulka oo uu ula jeedo maleeshiyaadka murtadiinta ee American-ku soo carbiyeen.
About The Author
