Ugu yaraan 10 ruux oo arday ah ayaa ku dhintay duqayn xagga cirka ah oo saacadihii lasoo dhaafay ay diyaaradaha xukuumadda dabadhilifka ah ee Kaabul ka gaysteen dugsi Qur’aan oo ku yaalla deegaan dhaca bariga dalka Afghanistaan.
Sida ay wararku sheegayaan diyaaradaha xukuumadda dhabilifka ee Kaabul ayaa duqayn xooggan oo dhanka cirka ah ku garaacay xarun dugsi Qur’aan ah oo ku taal deegaan hoos taga degmada Baghlaan oo ka tirsan gobolka Baghlan ee bariga Afghanistaan.
Diyaaradaha maleeshiyaadka Ashraf Ghaani ayaa bubur xooggan u geystay dugsiga Qur’aanka iyagoo halkaas ku dilay 10 arday oo ka mid ahaa ardaydii xufaaddul qur’aanka ee dugsigaasi ku jiray.
War rasmi ah oo kasoo baxay Imaarada islaamiga Afghanistaan kuna saxeexnaa afhayeenka Imaarada islaamiga Afghanistaan Sheikh Dabiixullahi Mujaahid ayaa taczi iyo tahniyad loogu diray ehellada dadkii ku shahiiday duqaymaha ay gaysteen maleeshiyaadka Xukumadda Ridada Kaabul.
Sidoo kale warka kasoo baxay xarakada Jihaadiga Daalibaan ayaa lagu sheegay in duqayntaan ay muujinayso taagdarida iyo jabka maleeshiyaadka xukuumada Ridada Kaabul kasoo gaaray duullaanka ay kusoo qaadeen shareecada islamaka.
Maamulka Ashraf Ghaani ayaa ku caanbaxay xasuuqa shacabka biramagaydada ah ee ku dhaqan Afghanistaan, waxaana ugu dambeeyay duqayn saacado ka hor ay diyaaradaha maamulkiisu ku beegsadeen Masjid ku yaalla deegaanka Hazar Qalcah oo dhaca gobolka Faryaab ee waqooyiga dalka Afghanistaan.
Calamada.com
About The Author
