Xilli dowladda Xabashida Itoobiya ay kumannaan katirsan ciidamadeeda kusoo daad guraynayso Koonfurta Soomaaliya ayay soo baxayaan warar sheegaya in Xasan Gurguurte uu kulan layeelanayo Abiy Axmed.
Madaxweynaha xukuumadda dabadhilifka Turkiga ayaa uyeeray madaxa kooxda Riddada Somalia, si markale dib loogu billaabo qorshihii lagu kulansiin lahaa isaga iyo Abiy Axmed.
Xasan Gurguurte ayaa ka degi doono magaalada Ankara halkaas oo ay dib uga billaabanayaan wadahadalladii udhaxeeyay labada dhinac, ilo wareedyo ayaa sheegaya in Erdogaan uu Gurguurte ka dhaadhicinayo in uu heshiis lagalo xabashida Itoobiya islamarkaana uu meesha ka saaro shardiga ah in marka hore uu Abiy ka laabto heshiiskii xaaraanta ahaa ee uu lagalay Muuse Biixi madaxweynihii hore ee maamulka Ashahaadda ladirirka Somaliland.
Dowladda Xabashida Itooiya oo ay ka go’antahay in ay qabsato badda iyo barriga Soomaaliya islamarkaana iska diiday in ay ka laabato heshiiskii badda lagusiinayay ayaa tobanaan kun oo kamid ah ciidankeeda soo gelisay gobolka Gedo.
Warar soo baxay ayaa sheegaya in dowladda saliibiyada Ingiriiska ay Itoobiya ka taageerayso in ay mandiqad khas cas ah ka sameysato deegaanno katirsan gobollada Hiiraan iyo Gedo, boqolaal gaadiid ah oo ay la socdaan ciidamo melleteri ah ayaa isbuucii lasoo dhaafay kasoo gudbay deegaannada xuduud beenaadyada dhaca.
Kulamo ka dhacay magaalada Addis Ababa ayay diblumaasiyiin British ah kula taliyeen Abiy Axmed in ciidamadiisa uu saldhigyo uga sameeyo gudaha soomaaliya gaar ahaan deegaannada kulaala xuduud beenaadyada halkaasna ay ka dhigtaan bar kulan ay ka gummaadaan shacabka soomaaliyeed.
Ciidamada ugu badan ayay xabashidu soo gelisay wilaayada Gedo sidoo kale ciidamo kale ayay udiri doonaan gobolka Hiiraan gaar ahaan deegaannada xuduud beenaadyada kulaala.
Axmed Macallin Fiqi oo ah wasiirka arrimaha dibadda kooxda Ridada ayaa ku cataabay in xabashidu ay dhegaha ka furaysteen amarkoodi ahaa in ay ciidankooda labaxaan taas bedelkeedna ay ciidamo kumanaan ah dalka soo gelinayso.
“ciidamada faraha badan ee Itoobiya ay dalka kusoo daabulayso waxay meesha ka saarayaan wadahadalladii kala dhaxeeyay soomaaliya,waana cambaareynaynaa hubka ay somaaliya kusoo daabulayaan”ayuu yiri Axmed Macallin Fiqi.
Kooxda Ridada ayaa dhowaan sheegtay in ciidamada Itoobiya ee soomaaliya ku sugan laga reebay isbahaysiga cusub ee afrikaanta kaasi oo loogu magac daray AUSSOM.
About The Author
