Wararka ka imaanaya gobolka Laamu oo ka mid ah dhulalka muslimiintu ay leeyihiin balse ku hoos jira gumeysiga Kenya, ayaa sheegaya in weerar culus lagu ekeeyay saldhig ciidan oo kuyaal ismaamulkaasi.
Warbaahinta gudaha Kenya ayaa saacadihii u dambeeyay aad u hadal haysay weerarka, waxayna sheegtay in weerarkaasu ahaa mid toos ah oo ay fuliyeen ciidamo aad u hubeysan oo ka tirsan Xarakada Mujaahidiinta Al-shabaab.
Warbaahinta Kenya oo soo xiganayso dadka Kenyanka ah ee ku dhaqan tuulo lagu magacaabo Basuba oo ku taal kaymaha Boni ee Lamu, ayaa sheegay in ciidamada Shabaabul Mujaahidiin ay weerar ku ekeeyeen xero ciidan oo ay ku sugnaayeen ciidamada GSU-da kuffaarta Kenya.
Weerarka ayay sheegeen in uu qaatay muddo saacad ah, ciidanka weerarka fuliyay ee mujaahidiinta ah ayay sheegeen inay adeegsanayeen hubka culus iyo midka fudud, dhowr baalooto oo (RPG) ah in lagu beegsaday xerada ayay sidoo kale sheegeen.
Dadka Kenyanka ayaa warbaahintooda u sheegay inay argagax ka qaadeen weerarka oo ay dareemeen cabsi xooggan, jawiga deegaanka ayay sheegeen in ka hor weerarka uu ahaa mid deggan balse weerarka markii uu billowday ayay tilmaameen inay wax walba is beddeleen oo argagax iyo jihawareerka ay qaadeen.
Warbaahinta Kenya waxay sheegtay in weerarku dhacay habeenkii jumcada, waxayna sheegtay in habeenkaas ay dadka deegaanka u ahayd habeen cabsi iyo argagax ah, sidoo kale warbaahinta maxalliga ah wax faahfaahin ah kama bixin khasaaraha ka dhashay weerarka oo badanaa saraakiisha Kenya ay ka aamusaan ama qariyaan.
About The Author
