Wasiirka wasaaradda Warfaafinta maamulka Riddada ah ee Koonfur Galbeed oo maanta shir jaraa’id ku qabtay magaalada Baydhaba ayaa si kulul uga hadlay arrimo la xiriira Jabhad hubeysan oo uu sheegay in looga dhawaaqay Muqdisho, taas oo la doonayo in lagu qalqal galiyo deegaanada uu ka arimiyo maamulka Lafta-gareen.
Murtad Maxamed Ibraahim Bilaal ayaa sheegay inuu maamulka Koonfur Galbeed marnaba aqbali doonin jabhad hubeysan oo si qarsoodi ah loo soo abaabulay in lagu dhibaateeyo maamulkiisa.
Isagoo ka hadlaayey shirkii dhawaan ka dhacay Muqdisho ee loogu magac daray madasha wadatashiga qaranka ayuu sheegay in halkaas ayba ahayd meesha laga soo abaabulayey jabhada la doonayo in lagu dumiyo maamulkooda.
Waxa uu markale murtad Bilaal xusay iney heleen xog rasmi ah oo muujinaysa in jabhad abaabulan lagu diyaariyay Muqdisho, islamarkaana la doonayo in si dhuumaaleysi ah loogu soo daabulo gudaha deegaannada uu ka arrimiyo maamulkooda, waxaa sidoo kale sheegay in doorashooyin iyo arrimo kale la doonayo in loogu soo hoos gambado maamulkooda taasina ay kasoo horjeedaan.
Murtad Cabdi Casiis Laftagareen ayaa 09-ka bishan May kasoo tagay shirkii ka dhacayMuqdisho ee ay ugu yeereen madasha wadatashiga qaranka, taasi oo dhalisay in xiisaddan ay gaarto ilaa heer Mareykanka uu kasoo saaro warqad ku socota Villa Somalia loogana digayo xaaladda ay kusii socoto xukuumadooda Riddada ah, waxayna hadda kooxda riddadu mareysaa marxalad aad u liidata.
About The Author
