Wasiirka waxay ugu yeeraan dhaxalka maamulka sahyuuniyadda Yahuudda, Yahuudiga lagu magacaabo Amichai Eliyahu, ayaa sheegay in bam Nukliyeer ah oo lagu dhufto magaalada Gaza ay tahay xalka macquulka ah, ee xukuumaddiisa ay kaga guul gaari karto halganka kaga imaanaya kooxaha wax iska caabinta.
Waziirkan Yahuudiga ah ayaa hadalkan jeediyay xilli uu ka jawaabayay su’aal ay waydiisay idaacad maxalli ah, wuxuuna bannaanka keenay cadaawadda maankiisa ka dhex guxaysa ee uu u qabo dadka reer Falastiin.
Xalka kaliya ee uu maamulkiisa kaga badbaadi karo duufaanta Al-aqsaa ayuuna sheegay in uu yahay Bam Nukliyeer ah oo lagu dhufto Gaza, waxaana taasi aad kaga carooday milyaarka muslimiinta.
Hadalka ninkan ayaa xitaa wal wal ku abuuray maamulka gumeystaha, maadaama uu ka hordhacay misena ka hadlay cadaawadda Yahuudda ee ah in la baabiyo dadka muslimiinta ah ee ku dhaqan Gaza.
Channel-ka 12 ee Yahuudda ayaa dhankiisa sheegay in Netanyahu uu wasiirkan hadlay ka joojiyay kulamada maamulka ilaa amar dambe, waxaana loo badinayaa sababaha looga joojiyay kulamada inay yihiin hadalka kasoo yeeray.
About The Author
