Wararka ka imaanaya waddanka Maraykanka ayaa sheegaya in toogashooyin xiriir ah oo dhowr qof lagu dilay ay ka dhaceen gobolka Florida ee dhacda koonfur bari waddankaasi Maraykanka.
Toogashooyinkan is xig-xigay ayaa si gaar ah looga soo tabiyay magalada Orlaando ee gobolka Florida waxaana wada gaystay qof hubeysan, kaas oo toogashadii ugu horraysay ku beegsaday qof haweenay ah, oo ay gaari wada saarnaayeen.
John Mena oo ah taliyaha booliiska ismaamulka ay wax ka dhaceen ayaa sheegay in toogashada koowaad oo dhacday abbaare 11-kii subaxnimo wakhtiga maxalliga ah ee Maraykanka lagu dilay qof Haweenay ah.
Toogashada labaad oo dhacday saacado ka dib ayuu weeraryahanku ku beegsaday goob ay dhacdadii toogashada ka tabinayeen kooxo wariyeyaal ah, oo ka howlgala warbaahinta Maraykanka.
Toogashadaa ayaa la xaqiijiyay qofka hubeysan uu ku dilay 1 wariye oo ka mid ahaa wariyeyaashii dhacdada tooska u tabinayay, waxayna boolisku sheegeen inay gacanta kusoo dhigeen weeraryahanka, Booliska ayaa intaas ku daray in qofka weerarka gaystay uu sidoo kale dilay gabar 9 jir ah.
Toogashooyinkan xiriirka ah ee laga soo tabiyay bartamaha gobolka Florida ee waddankaasi Maraykanka ayaa kusoo beegmaya xilli ay faraha ka baxeen, dhacdooyinka la xiriira toogashooyinka ee laga soo tabiyo gobollada kala duwan ee uu ka koban yahay waddankaas.
About The Author
