Wararka ka imaanaya wilaayada Sh/hoose ayaa sheegaya in ciidamada Mujaahidiinta ee ka howlgala wilaayaadaas ay weerar kammiin ah u dhigeen maleeshiyaad murtadiin ah oo ku socdaalayay agagaarka deegaanka Malable, oo hoos taga degmada Jannaale, halkaas oo dhowr jeer lagu jabiyay maleeshiyaadka Riddada.
Inta la xaqiijiyay waxay Mujaahidiintu kammiinkaasi Allaah fadligii ku dileen 4 askari oo murtadiin ah oo uu ku jiray sarkaal taliye koox ah, oo ka mid ahaa maleeshiyaadkii weerarka lagu beegsaday, halka sidoo kale ay dhaawacyo kala duwan soo gaareen 7 askari oo murtadiin ah.
Ilo wareedyo kale oo lagu kalsoon yahay ayaa xaqiijinaya in halka kammiinka loogu dhigay murtadiinta ay soo caga dhigatay diyaarad Helicopter ah, taas oo goobta ka qaaday bakhtiyada iyo dhaawacyada maleeshiyaadka Riddada.
Dhanka Baay waxay guutada qaraxyada Mujaahidiinta gudaha degmada Diinsoor qarax kula beegsadeen sarkaal sare oo murtad ah, kaas oo si aada u dhibayay dadka shacabka ah ee ku dhaqan Diindoor, laguna magacaabo Cabdiraxiim Cismaan Cali Nuur, ilo wareedyo masuul ah ayaa xaqiijiyay in sarkaalkaasi murtadka ah uu qaraxaasi kasoo gaaray dhaawac garaab ah, murtadkan dhaawaca ah ayaana horay u dilay 3 qof oo shacab ah.
Dhanka Gaarissa oo ka mid ah dhulalka muslimiinta NFD ee ay xoogga ku haysato dowladda saliibiyada ah ee Kenya, waxay Mujaahidiintu gaari Kooyal ah oo ay wateen ciidamada booliska Kenya qarax culus kula beegsadeen waddada dheer ee xiriirisa magaalada Gaarissa iyo degmada Dhadhaab, waxaana la xaqiijiyay in gaariga Kooyalka ah uu gabi ahaanba ku burburay qaraxaasi, halka askartii la socotayna ay wada halaagsameen, mana jiro 1 askari oo ka badbaaday qaraxaas.
About The Author
