Ciidamo ka tirsan mujaahidiinta Al-shabaab ee ka howlgala wilaayada Baay, waxay weerar culus oo toos ah ku qaadeen saldhigga maleeshiyaadka murtadiinta ee deegaanka Goof-gaduud Buurey ee hoostagta magaalada Baydhaba, hubka noocyadiisa kala duwan ayaa la isku adeegsaday dagaalka.
Dhanka Bakool, waxay ciidamada mujaahidiintu weerar abaabulan ku qaadeen fariisin ciidan oo maleeshiyaadka murtadiinta ay ku leeyihiin degmada Waajid, inta la hubiyay waa dhaawaca laba askari oo murtadiin ah, halka la gubay teendho murtadiinta ugu tiillay gudaha saldhigga iyo waxii saad ah oo ku jiray teendhadaas.
Dhanka kale, faahfaahinno dheeraad ah ayaa laga helayaa khasaaraha ciidamada Kuffaarta Kenya lagu gaarsiiyay weerar kamiin ah oo saacadihii lasoo dhaafay kolonyo saliibiyiinta Kenya ah loogu dhigay inta u dhaxaysa deegaannada Kaambooni iyo Sariiraha ee dhaca xadbeenaadka wilaayada Jubbada hoose la wadaagta dhulka muslimiinta ee gumeysiga saliibiyiinta ku hoos jira.
Weerarkan barakaysan waxay ciidamada mujaahidiintu Allaah fadligiis ku dileen saddex askari oo ka tirsanaa ciidamada kuffaarta Kenya, halka ay ku dhaawacmeen 8 kale oo kuffaar Kenyaan ah.
About The Author
