Magaalada Baydhaba, gaar ahaan halka loo yaqaan Maaya fuulka waxay ciidamada mujaahidiintu saldhig ay halkaasi kaga sugnaayeen maleeshiyaadka murtadiinta, waxaana halkaas ka dhacay dagaal culus oo la isku adeegsaday hubka noocyadiisa kala duwan.
Ciidanka jabhadda mujaahidiinta ee ka jihaada wilaayada Jubooyinka waxay dhankooda weerar ku mireen saldhigga ciidamada Kuffaarta Kenya ay ka deganyihiin deegaanka Cabdalle Biroole ee dhaca duleedka magaalada Kismaayo.
Waxay ciidamada mujaahidiintu sidoo kale weerar culus oo abaabulan ku qaadeen xerada maleeshiyaadka Riddada ee deegaanka Baarsanguuni ee dhaca isla duleedka magaalada Kismaayo.
Docda kale faahfaahinno dheeraad ah ayaa laga helayaa dagaaladii ka dhacay duleedka degmada Afmadoow ee sida ba’ane loogu jabiyay ciidamada huwanta Maraykanka iyo murtazaqadooda Danab iyo Jubbaland, waxaa la wariyay in xubnaha murtadiinta ah ee dagaalladaas lagu dilay uu ka mid ah Carab oo ahaa taliye Unug ka tirsanaa maleeshiyada baangaraafta Riddada, Amiin Kulmiye oo ahaa ilaalada gaarka ee madaxtooyada Jubbaland ayaa sidoo kale ka mid ahaa murtadiintii lagu dilay dagallada, Nuur Cali Axmed oo ah askari murtad ah ayaa ku dhaawacmay weeraradii ka dhacay duleedka Afmadoow.
Dhanka Sh/hoose waxay ciidamada mujaahidiintu dagaallo culus oo safmareen ah ku qaadeen saldhigyada Kuffaarta Afrikaanta gaar ahaan kuwa Yugaandha iyo maleeshiyaadka murtadiinta ay kaga suganyihiin deegaannada kala ah Buur-colow ee hoostaga degmada Baraawe iyo midka murtadiinta ee xaafadda Neeshinka ee degmada Janaale.
Bakool waxay ciidamada mujaahidiintu dagaal culus ku ekeeyeen saldhigga maleeshiyaadka murtadiinta ee degmada Waajid, waxaana halkaas ka dhacay dagaal la isku adeegsaday hubka noocyadiisa kala duwan.
About The Author
