Gelinkii dambe ee maanta waxaa magaalada Addis Ababa ka degay murtad Xasan Gurguurte oo ah madaxa kooxda Riddada Soomaaliya, halkaas oo uu kula kulmay Abiy Axmed, Ra’iisul wasaaraha dowladda xabashida toobiya.
Warsaxaafadeed wadajir ah oo ay labada dhinac soo saareen ayay ku shaaciyeen heshiis ay ku gaareen in lasoo celiyo xiriirka diblomaasiyadeed ee u dhaxeeyay, lana xoojiyo howlaha labada safaaradood ee Muqdisho iyo Addis-ababa.
Madaxtooyada Riddada ayaa war ay goor hore oo galabta ah soo saartay ku sheegtay in socdaalka murtad Xassan Sheekh uu la xiriiro sii amba qaadidda heshiiskii Ankara ee xabashida Itoobiya lagu siiyay qaybo ka mid ah badda Soomaaliya.
“Socdaalkan ayaa dabasocda heshiiskii dhawaan lagu gaaray Ankara, taas oo ka tarjumaysa iskaashi cusub oo u dhaxeeya Soomaaliya iyo Itoobiya.” ayaa lagu yiri qoraalka lagu daabacay xafiiska madaxtooyada Riddada ee Villa Somalia.
Dina Mufti oo ah afhayeenka wasaaradda arrimaha dibadda xabashida Itoobiya oo dhankiisa ka hadlayay socdaalka murtad Gurguurte ayaa sheegay in xukuumaddiisa Addis-ababa iyo kooxda tan Riddada Soomaaliya ay ka wada hadleen sidii ay Itoobiya ku geli lahayd biyaha Soomaaliya.
Kooxda Riddada ah ee Xassan Sheekh ayuu tilmaamay inay fahansan tahay danohooda gurracan ee gaarista badda Soomaaliyeed.
Socdaalkan oo ahaa mid uu dalbaday Abiy Axmed ayay shacabka soomaalida ah si aad ah uga falceliyeen baraha bulshada iyagoo muujinayay sida kooxda riddada ay utahay mid liidata oo dalka ugacan gelinaysa cadowga Itoobiya.
Dadka ayaa kawada sinnaa in Xasan Gurguurte uu yahay nin dabadhilif ah oo aan mowqif laheyn, qaarkood waxay dib ufaafinayeen haddallo Gurguurte uu jeedinayay sanaddii lasoo dhaafay sida isagoo dowladda Itoobiya ku sheegaya cadow halisa, isagoo oranaya Itoobiya waxay qaadanaysaa badda iyo barriga soomaaliyeed, dadka qaarna waxay faafinayaan xasan gurguurte oo ku hadaaqaya in ciidanka Itoobiya ay nabadeyn ka wadaan Soomaaliya.
About The Author
