Xiisado colaadeed oo u dhaxeeyo labo maleeshiyo oo ka tirsan murtadiinta ayaa ka taagan gudaha magaalada Caabudwaaq ee gobolka Galgaduud,Taas oo salka ku hayso waxay ugu yeeraan nidaamka awood qaybsiga golaha deegaanka ee degmadaasi, Oo uu dhowan soo dhisay maamulka ashahaada la dirirka ah ee Galmudug.
Iska hor’imaad culus oo u dhaxeeyay 2-da maleshiyo ayaa gelinkii dambe ee shalay ka dhacay gudaha degmada Caabud-waaq, Halkaas oo laga soo tabiyay khasaare kala duwan oo u badan dhaawacyo soo gaaray dhinacyada iyo dad shacab ah.
Ilo wareedyo deegaanka ah ayaa xaqiijiyay in maleeshiyaad ka caraysan qaabka loo qaybiyay waxay ugu yeeraan golaha deegaanka degmada Cabudwaaq ay weerar ku qaadeen saldhigga degmada, ayna halkaasi kula dagaalameen maleeshiyaadka ka tirsan booliska maamulka Riddada ah ee Galmudug.
Inta la xaqiijiyay waxaa iska hor’imaadkaasi ku dhaawacmay 2 qof oo shacab ah iyo hal askari oo ka mid ahaa maleeshiyaadkii ay iska hor’imaadyadu ku dhexmareen saldhigga degmada Caabud-waaq sida laga soo xigtay ilo wareed dhanka degaanka ah.
Inkastoo ay xaaladdu tahay mid kacsan haddana lama ogo halka ay ku biya shuban doonaan xiisadahan ka dhex taagan maamulka Riddada ee degmada Cabduwaaq oo ku aadan qaab dhismeedka loo maray waxay ugu yeeraan awood qaybsiga golaha deegaanka, Dhowaan ayay ahayd markii maleeshiyo caraysan ay xirteen garoonka diyaaradaha macmalka ah ee degmada taas oo Iyana salka ku haysay nidaamkaan ay ugu yeeraan awood qaybsiga.
About The Author
