Ugu yaraan 1 askari oo Yahuudi ah ayaa lagu dilay halka 10 kale oo ka mid ah ciidamada maamulkaasi oo uu ku jiro sarkaal ciidana waa lagu dhaawacay, 3 howlgal oo ka dhacay Daanta Galbeed iyo magaalada Qudus muddo 24-saac gudahood.
Warbaahinta ku hadasha afka Yahuudda ayaa sheegtay in askariga yahuudiga uu u dhintay dhaawac isaga iyo 5 lale kasoo gaaray hawlgal gaari jiirisiin ah oo ka dhacay meel u dhow bar kontorool oo ay maleeshiyaadka maamukaasi ku leeyihiin jidka 443-aad ee kuyaal galbeedka magaalada Raamalla.
Weerarkaan gaariga loo adeegsaday ayaa si gaar ah uga dhacay mandiqadda Beyt Siira oo u dhow magaalada Raamalla, ninka Falastiiniga ee fuliyay weerarkaan ayaa ku shahiiday goobta, kaddib markii ay rassaas xooggan ku fureen maleeshiyaadka maamulka Yuhuudda.
Dhanka kale 4 qof oo Yuhuud ah oo ay askar ku jiraan ayaa ku dhaawacantay qarax culus oo lagula eegtay magaalada Naabulis ee dhacda Daanta galbeed ee Falastiin.
Qarax miino ayaa lala beegsaday askar Yuhuud ah oo isku dayeeysay in ay xoog ku galaan qeybta bari ee magaalada Nabulis oo dhacda daanta galbeed, maleeshiyada Yuhuudda ayaana gurmadyo Xooggan u diray magaalada Naabulis.
About The Author
