Inta la xaqiijiyay ugu yaraan 20 qof oo muslimiin ah, ayaa ku dhintay kaddib markii subaxnimadii hore ee saaka ay dooni kula degtay wabiga mandiqadda Basuul ee ka tirsan degmada Momand wilaayada Nangarhar, ee dhacda bariga Afghanistan.
Ilo-wareedyo maxalli ah oo ku sugan gobolka Nangarhar ayaa warbahinta gudaha u xaqiijiyay in 20 qof oo ka mid ahaa dadweynaha ku dhaqan magaalada Momand ay ku dhinteen dooni ay la socdeen oo ku qalibantay biyaha wabiga ee mandiqaddaasi, kooxaha gurmadka deg dega ah ee imaarada ayaa la sheegay inay ku guuleysteen inay soo saaraan shan qof oo nool.
Kooxaha gurmadka deg degga ah, waxay sidoo kale gudaha biyaha wabiga kasoo saareen maydadka ilaa shan ruux, halka ay weli ku howlanyihiin raadinta 15 kale oo maydad ah.
Waxaa xusid mudan in dadka Afghaaniyiinta ee ku dhaqan deegaanada ku teedsan wabiyada Kaabul iyo Kunaar ay isticmaalaan doomo ka sameysan alwaax si ay uga gudbaan daanta kale ee wabiga, waxaana mararka qaar gobolladaasi ka dhaca falal kuwa la mid ah.
About The Author
