Dagaallo culus ayaa dib uga bilaawday wadanka Afrikada dhexe ee dhaca bartamaha qaaradda Afrika kana mid ah wadamada ay ka socdaan duullaanada ka dhanka ah muslimiinta.
Tobaneeyo qof ayaa lasoo sheegayaa in ay ku dhinteen weeraro ay maleeshiyaadka Nasaarada Anti Balaaka ku qaadeen tuulooyin ay ku badanyihiin dadka muslimiinta ah.
Saraakiil u hadashay hay’adaha ‘Q.Midoobe’ ayaa sheegay in 25 qof lagu dilay weeraro lagu qaaday tuulooyin hoos yimaad magaalada Barea ee dhacda bartamaha wadanka Afrika dhexe.
Wariyaal ayaa soo sheegay in ugu yaraan 8 guri iyo Masjid lagu tubay tuulada Takabi islamarkaana laboobay hanti ay lahaayeen dadka muslimiinta ah.
Sidoo kale dagaallo culus oo u dhaxeeya fallaagada Kirishtanka iyo dadka muslimiinta ayaa lagasoo sheegayaa Bariga wadanka Afrika dhexe, wararkan ku saabsan in 25 qof muslimiin ah lagu dilay Jamhuuriyada Afrikada dhexe ayaa ah kuwa lagasoo xiganaya saraakiisha Q.Midoobe balse hoggaamiyaasha muslimiinta waxay sheegayaan in khasaaruhu intaas ka badanyahay.
Wararka qaar ayaa sheegaya in carruur iyo haween lagu gubay guryihiin ay deganaayeen, ciidamada Dallada UN-ka ku jooga wadanka ayaan wax faragelin ah ku sameyn xasuuqa joogtada ah oo ay wajahayaan muslimiinta Afrika dhexe.
Sanaddii 2013 ayay gabood fallo fool xun wajaheen muslimiinta Afrika dhexe xilligaas oo dowladda Faransiiska iyo Q.Midoobe faragelin melleteri wadanka ku qaadeen, kadib markii lariday dowladdii uu madaxda ka ahaa.
About The Author
