Joe Biden madaxwaynaha dowladda saliibiyada ah ee Marykanka oo ka hadlayay isbadallada muuqda ee ay gashay Afghaanistaan 20 sannadood ka dib markii ay dowladdiisu iclaamisay dagaal ka dhan ah xukuumaddii islaamiga ee ka jirtay dalka Afghaanistaan, ayaa soo bandhigay xogo xasaasi ah oo ku aadan xaaladda dalka Afghanistaan iyo fashilka xukuumaddiisa iyo tan Ridada Kaabul.
Madaxwaynaha Maryakanka oo khudbad ka jeedinayay mid ka mid ah telefishannada kasoo baxa dalka Maraykanka waxa uu sheegay in uu qaaday tallaabo geesinimo leh uuna ka dhabeeyay ballanqaadkiisii ahaa in uu ciidamadiisa kala bixi doono dalka Afghanistaan, Soomaaliya, Ciraaq iyo Suuriya si loo badbaadiyo haraadiga ciidamada dowladdiisa.
Biden waxa uu tacab khasaaray ku tilmaamay xukuumadii Ridada Kaabul iyo ciidamadii ay soo qalabaynayeen 20-kii sanno ee lasoo dhaafay oo ku hor burburay toddobaad gudihiisa iyagoo aan wali ka dhammaan waddanka.
Biden Waxa uu sheegay in madaxwaynihii naftiisa kala baxsaday qasriga madaxtooyada uu usoo jeediyay dalab ah inay heshiis la galaan imaarada islaamiga si ay naftooda u badbaadiyaan balse waxa uu carrabka ku adkeeyay in Ashraf ghaani uu ka biya diiday dalabkiisa uuna doorbiday dagaal ay ciidamadiisu la galaan dagaalyahannada Daalibaan.
” Dowladda Afgaanistaan waxay u burburtay si deg deg ah oo ka fog sidii aan filaynay, laakiin ma la dagaallami karno dagaal aan la galno Daalibaan iyadoo aysan ciidamada Afgaanistaan diyaar u ahayn inay ka qaybgalaan.” ayuu yiri Joe Biden.
Madaxwaynaha Maraykanka ayaa afghanistan ku tilmaamay dhul hoy u ah qubuuraha soo duuleyaasha isagoo tilmaamay in ay ku hungoobeen dagaalkii ay ku qaadeen dalka Afghanistan.
“Waxa aan hadda aragnaa waxay caddeyneysaa in aanay jirin ciidan millatari oo wax ka qaban kara dhacdooyinka ka taagan Afghaanistan, oo loo yaqaan qabuuraha soo duuleyaasha , laakiin Shiinaha iyo Ruushka waxay doonayaan in Mareykanku sii wado dhaqaalaha uu ku bixiyo dagaalka aan joogsiga lahayn .” waxaa sidaas yiri Joe Biden.
Ciidamada Imaarada islaamiga Afghaanistaan ayaa sanka dhulka ugu jiiday ciidamada dowladda Maraykanka oo lagu sheego inay tahay dowladda ugu tunka wayn caalamka iyo xulafadooda Nato ka dib 20 sanno oo dagaal jihaad ah lagula jiray saliibiyiinta soo duushay.
Afghanistaan waxaa horay ugu fashilmay dowladaha Ingiriiska iyo Ruushka uu mid ba mar soo tijaabiyay ka dib markii lagu qasbay inay dharaar cad ka cararaan waddanka dowladda Maraykankuna waxay qaaday dhabihii ay reer Afghanistaan marsiiyeen Ruushka iyo Ingiriiska.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
