Booliska dalka Maraykanka ayaa magalada Springfield ee gobolka Virginia ka xiray sargaal horay uga tirsanaa xukumadii military ee Maxamed Siyaad Bare kaas oo ay dacwado kusoo oogeen dad Soomaali ah oo heysta dhalashada Mareykanka kuwaas oo sheegay in sarkaalkan uu kula kacay gaboodfallo intuu ka tirsanaa dowladii burburtay ee kaligii taliska ahayd.
Yuusuf Cabdi Cali oo ku magac dheer “Tuke” ayaa xabsi la dhigay kadib markii FBI-da Maraykanka ay sheegtay inay eedeymo kusoo oogeen dad Soomaali ah oo sheegay inuu iyaga iyo eheladooduba kula kacay falal ay kamid yihiin dilal, jirdil, iyo in uu xabsiyada ku ciqaabi jiray maxaabiista.
Ninkaan ayaa ah 69 sano jir waxuuna soo noqday gaashaanlle sare oo katirsanaa milatarigii xukumadii Siyaad Bare isagoo ahaa Abaanduulihii guutada Shanaad ee ka qeyb qaadatay gaboodfaladii ciidamada militaryga ay ka geysteen waqooyi-galbeed Soomaaliya intii u dhaxeysay sanadadii 1987 -1988.
“Iyadoo qabsashada Yuusuf Cabdi Cali aysan bogsiin karin dhaawacyadii uu u geystay dhibanayaasha, haddana waxaan rajeynayaa inaan arko isagoo ka jawaabaya kaalintii muuqata ee uu ku lahaa dambiyadaas foosha xun” waxaa sidaasi yiri mid kamid ah dadkii ka falcelinayey qabashada ninkan.
Yuusuf Cabdi Cali ayaa sanadkii 2019-ka waxay maxkamada Maraykanka ay ku riday xukun kadib markii ay dacwad kusoo oogeen labo ruux oo uu jirdil u geystay, waxaana lagu armay inuu bixiyo lacago magdhaw ah oo gaaraya 400,000 doollar.
About The Author
