Faahfaahinno dheeraad ah ayaa laga helayaa dagaallo lagu jabiyay maleeshiyaadka Riddada oo ka dhacay deegaan ka tirsan wilaayada Hiiraan ee dhacda bartamaha dalka Soomaaliya, Halkaas oo khasaare lixaad leh lagu gaarsiiyay maleeshiyaadka DF iyo kuwa Macawiisleyda la baxay.
Dagaalladan oo ahaa kuwa dhowr jeer la isku soo noq-noqday laguna jabiyay maleeshiyaadka Riddada, Ayaa shalay ka dhacay dueeledka deegaanka Tardo ee bariga wilaayada Hiiraan, Waxayna wararkii ugu dambeeyay sheegayaan in uu sii kordhay khasaaraha dhimashada.
Macaluumaadka la helayo waxay sheegayaan in khasaaraha dhimasho uu gaaray 10 askari oo ay ku jiraan saraakiil iyo askar ka tirsan maleeshiyaadka DF iyo kuwa Macawiisleyda, Ka dib markii ay dhaawacyo u dhinteen saraakiil iyo xubno muhiim u ahaa maleeshiyadaasi.
Saraakiisha dagaalladii shalay ku dhintay waxaa ka mid ahaa 1- Cismaan Goodax Shiilaabo oo ahaa sargaal ciidan oo ka tirsan maleeshiyaadka Macaawisleyda oo la xaqiijiyay in uu xalay u geeriyooday dhaawac soo gaaray, 2- Axmed Muuse dhiidaal, 3- Cabdullaahi Faroole, 4- Muumin Maxamed Garaad (Xaal-dhigis), 5- Maxamed Muxiyaddiin Xusen (Qoor-gaab) 6-Faarax Cismaan Cariifow, Muumin Cismaan Xaadle, oo xalay u dhintay dhaawac kasoo gaaray dagaalladii duleedka Tardo iyo Shariif Uulow oo isaguna u geeriyooday dhaawac kasoo gaaray dagaalladii shalay ka dhacay duleedka deegaanka Tardo.
About The Author
