Dagaallada ka socda gobolka Oromiya ee dalka Itoobiya ayaa sii xoogaysanaya, Iyadoo maalmihii lasoo dhaafay maleeshiyaadka jabhadda Oromada ay la wareegeen magaalooyin iyo deeganno ka tirsan gobolkaas.
Dagallada ugu xooggan ayaa waxay ka socdaan qaybo badan oo ka mid ah gobollada Wallega iyo shewa, Ciidamada Itoobiya oo kaashanaya kuwa gobolka ayaa lagu daadgureeyay furimo horleh oo ka tirsan Oromiya, Waxayna dagalladaani imaanayaan iyadoo dowladda Itoobiya ay sheegtay in ay soo afjartay jabhaddani.
Dhinaca kale Wakiilka midawga gaalada Afrika u qaabilsan geeska Afrika ayaa sheegay in dagalladii labadii sanno ka socday waqooyiga Itoobiya ay ku dhinteen 1Milyan oo Itoobiyaan ah.
Ciidamada dowladda Itoobiya iyo kuwa Eratariya ayuu midawga Afrika ku eedaynayaa in ay gaysteen xasuuqyo ka dhan ah qawmiyadda Tigreega, Tan iyo markii uu dagaalku uu billawday .
Isla wararka Itoobiya, jabhada hubeysan ee TPLF ayaa ka biya diidday in dagaalyahannadeeda ay hubka dhigaan illaa ciidamada Amxaarada iyo kuwa Eratariya laga saaro gobolka.
“Majirto hub ka dhigis lagu samaynayo ciidamadeenna ilaa ciidamada Eritrea iyo Axmaarada ay ka baxaan Gobalka Tigray” waxaa sidaasi yiri taliyaha TPLF.
Tigreega ayaa ka baqanaya in marka ay hubka dhigaan in ay lakulmaan xasuuq aargoosi ah uu ka yimaada ciidamada Amxaarada iyo kuwa Eratariya, oo labadii sanno ee lasoo dhaafay TPLF kula dagaalmayay waqooyiga Itoobiya.
About The Author
