Kooxo hubaysan ayaa weerar ku qaaday goob uu ka qudbaynayay wasiirka arimaha gudaha ee dowladda Kenya, Xili uu ku sugnaa gobalka Waqooyi Bari oo ka mid ah dhulalka muslimiinta ee ay xoogga ku haysato xukumafda Nayroobi.
Kithure Kindik oo wasiirka arrimaha gudaha Kenya waxaa rasaas xooggan ku furay kooxo geellay Soomaali ah oo kasoo jeeda gobolka NFD, Wuxuuna xilliga uu qudbeenayay ka hadlayay xiisad u dhaxaysa xoolo dhaqatada Soomaalida iyo beeralayda nasaarada ah.
Isagoo ka hadlayay weerar lagu qaaday ayuu wasiirka arimaha gudaha ee dowladda Kenya yiri “ “Haddii ay la tahay inay ka hub badan yihiin ama ka tababar wanaagsan yihiin ciidamada amniga, waxaan arki doonnaa maalmaha soo socda”,.
Muddooyinkii lasoo dhaafay waxaa deegaannada dhaca gobolka ay dowladda Kenya u bixisay waqooyi bari ka taagnaa xiisad u dhaxaysa xoolo dhaqato Soomaali ah iyo beeralayda Kenya, Xolo dhaqatada Soomaalida ah oo ay samayn ku yeelatay abaaraha jira ayaana daaq u raadsaday xoolahooda.
Warbaahinta Kenya ayaa ku warrantay in wasiirka arimaha gudaha ee Kenya Kindiki uu amray in si qasab ah xoolo dhaqatada looga saaro deegaannada ay xiisaddu ka taagan tahay laguna celiyo deegaannadii ay ka yimaadeen.
“Dadkan waxa ay muddo badan ahaayeen kuwo aan la taaban karin. taasi waa in ay hadda soo afjaranto. Geelleydu waa inay ka baxaan deegaanka” ayuu yiri”.
About The Author
