Wararka ka imaanaya waddanka itoobiya ayaa sheegaya in maleeshiyaadka jabhada OLA ay la wareegeen magaalo muhiima oo kaabiga ku haysa caasimadda Itoobiya ee Addis Ababa.
Maleeshiyaadka jabhaddan ayaa gacanta ku dhigay magaalada Muloo waxayna magaaladan Addis Ababa u jirtaa 37Km, Waana mid ka mid ah waddooyinka muhiimka ah ee gobolka Oroomiya ku xira caasimadda.
Sawirro ay jabhadda hubeysan ee OLA ku baahiyeen baraha bulshada ayaa muujinaya iyagoo si buuxda gacanta ugu dhigaya magaalada iyadoo ay magaalada isaga baxeen ciidamada deegaanka Oromada iyo kuwa Itoobiya.
Xukumadda Addis Ababa wax war ah kama soo saarin qabsashada magaaladani, nidaamka Abey Axmed ayaana iska indha tiraya qatarta OLA oo markaani albaabada u garacaysa caasimadda .
Toddobaadkii hore ayey dowladda Itoobiya sheegtay in ay soo afjartay jabhada Oromada, basel sheegashadaasi ayaa beenowday ka dib markii ay gacanta ku dhigeen magaalooyin muhiim ah oo dhaca gobolka Oroomiya.
Jabhada OLA waa jabhad mucaarad ah oo kasoo horjeeda dowladda Itoobiya, falanqeeyeyaasha ayaana sheegaya in saamayn wayn ay ku keeni karto isbadalka Itoobiya haddii aan laga hortagin inta aysan xukunka ka tuuraan nidaamka hadda talada haya.
About The Author
