Deegaanka Garasbaalley ee dhaca duleedka magaalada Muqdisho waxaa laga soo sheegayaa fal dil ah oo uu si bareer ah u gaystay askari ka tirsan maleeshiyaadka murtadiinta, falkaas oo lagula kacay qof shacab ah.
Goobjoogeyaal ku sugan deegaanka Garasbaalley, ayaa soo sheegay in askariga ka tirsan maleeshiyaadka kooxda Riddada, ka hor inta uusan dilin qofka shacabka ah uu waydiistay shilimaad yar oo uu ku iibsado maandooriyaha sigaarka.
Balse waydiintaasi waxaa ka biya diiday qofka shacabka ah taas oo keentay in uu rassaas huwiyo qofka rayidka ah, sida uu xaqiijiyay aabaha dhalay wiilka la dilay.
Aabahan wuxu sheegaya in wiilkiisa oo horayba ay u handadi jireen maleeshiyaadka Riddada uu ugu dambayntii markan ku baxay gacantooda ka dib markii askar ilaalo u ah sargaal ka tirsan maleeshiyaadka Riddada uu wiilkiisa si bareer ah ugu dilay bartamaha deegaanka Garasbaalley.
Dhacdadan ka dhacday deegaanka Garasbaalley ee duleedka magaalada Muqdisho ayaa kusoo beegmayso, xilli maalmo uun ka hor askar ka tirsan maleeshiyaadka murtadiinta ay deegaanka Ceelasha biyaha dil bareer ah ugu gaysteen nin shacab ah oo si wayn looga yaqiinay deegaankan. kaas oo la oran jiray Cabdiraxmaan Sheekeeye.
Halkan Ka Dhagayso Cabashada Ehellada Wiilka La Dilay.
About The Author
