Xiisadaha colaaded ee ka taagan magaalada Baydhaba ee u dhaxeeya madaxa maamulka ashahaada la dirirka ah ee koonfur galbeed murtadka lagu magacaabo Cabdicaziiz Laftagareen iyo xubnaha muucaaradka ku ah ayaa sii kordhaya, iyadoo waziirro ka tirsan maamulkaas xilalka laga xayuubiyay halka qaarna ay is casileen.
Inkastoo maanta magaalada laga dareemayo xaalad kacsanaan ah, hadana ma jiro wax isku dhac hubeysan ah oo laga soo tabiyay gudaha magaalada, wallow uu socdo abaabul xooggan oo labada dhinac ah.
Waziirkii warfaafinta ee maamulka ashahaada la dirirka ah ee Koonfur galbeed ayaa ku dhaawaaqay inuu iska casilay xilkii uu ka yahay maamulka Cabdicaziiz Laftagareen, isagoo sababta uu isku casilayna ku sheegay dagaallada uu lugaha la galay maamulkii uu ka tirsanaa.
Murtad Ilyaas Cali oo ku magacownaa waziirka warfaafinta maamulka Koonfur galbeed ayaa sheegay in dagaalkii lagu qaaday hoyga mid ka mid ah xubnaha mucaaradka uu abaabulay murtad Cabdicaziiz Laftagareen.
Dhanka kale madaxa maamulka ashahaada la dirirka ah ee Koonfur galbeed murtad Cabdicaziiz Laftagareen ayaa shaaciyay in uu xilalkii ka qaaday wasiiro ka tirsanaa golihii waziirada sida lagu sheegay qoraal kasoo baxay xafiiskiisa.
Waziirada uu xilka ka qaaday waxaa ka mid ahaa waiiro dowlaha wazaaradda arrimaha gudaha iyo waziir ku xigeenka wazaaradda shaqada iyo shaqaalaha ee maamul goboleedka ashahaada la dirirka ah ee KG.
Murtad Laftagareen ayaa sidoo kale magacaabay waziirka warfaafinta ee uu iska casilay murtad Ilyaas Cali, isagoo xilkaas u magacaabay murtad lagu magacaabo Cabdifataax Cali yuusuf sida uu sheegay afhayeenkiisa.
Lama saadaalin karo ay ku dambayn karaan xiisadaha colaadeed ee ka taagan magaalada Baydhaba, maleeshiyaadka Laftagareen iyo kuwa mucaaradka ku ah ayaana isku hor fadhiya gudaha magaalada Baydhaba, waxay dadka deegaanku sheegeen in xilli walbas la filan karo isku dhac kale oo dhex mara maleeshiyaadka labada dhinac, iyadoo ay xusid mudan tahay in uu socdo barakac ay samaynayaan dadka deegaanka.
Halkan ka dhagayso codka murtad Ilyaas.
Halkan ka dhagayso magacaabista iyo xilka qaadista Murtad Laftagareen.
About The Author
