Weerar toogasho ah oo cusub ayaa markale laga so tabiyay magaalada Washington ee caasimadda waddanka Maraykanka, ka dib markii qof hubeysan uu xoog ku galay suuq laga dukaamaysto oo kuyaal mid ka mid ah degmooyinka Washington.
Qof hubeysan oo da’diisa lagu qiyaasay 21 jir ayaa weerar ku qaaday suuq laga dukaamaysto oo kuyaal degmada Yakima oo ka tirsan magaalada caasimadda ah ee Washington, taliyaha booliska ee magaaladan ayaana warbaahinta u xaqiijiyay inay dhinteen ugu yaraan 3 qof oo Ameerikaan ah.
Saraakiisha ciidamada booliska saliibiyiinta Maraykanka ayaa sheegay in weerarkan uu daba socdo toogashooyin isdaba joog ah oo 48 saac ee ugu dambeeyay laga soo calaamadiyay gobollada California iyo Iowa ee waddankaasi Maraykanka, kuwaas oo lagu dilay 18 qof oo u badan dadka Ameerikaanka ah.
Ilo wareedyo kala duwan oo ay saraakiisha ammaanka kasoo xigatay warbaahinta Maraykanka ayaa tibaaxaya in qofka weeraryahanka oo lagu magacaabi jiray Jared Haddock uu ka baxsaday goobta, ka dibna uu isdilay, kaddib markii uu toogasho aan kala sooc lahayn ka gaystay gudaha dukaanka gacansi ee kuyaal Washington.
Madaxweynaha Maraykanka gaal Joe Biden oo ka hadlayay kororka weerarada iyo amni xumadda dalkiisa, ayaa golaha Gongres-ka ka codsaday inay deg deg u meel mariyaan tallaabooyinka lagu mamnuucayo isticmaalka hubka Maraykanka.
Waa toogashadii 4-aad oo maalmo kooban gudahood laga soo tabiyo waddanka Maraykanka, saddexdii toogasho ee ugu dambeeyay ee ka dhacay gudaha dalkan ayaa la xaqiijiyay in lagu dilay 18 qof oo Ameerikaan ah, halka tanna lagu dilay 3 qof, taas oo tirada guud ka dhigaysa 21 qof oo Ameerikaan ah.
18-kii Janaury ayay ahayd markii weerar hubeysan oo lagu dilay ugu yaraan hal qof oo dumar ah laga soo tabiyay Washington oo ah caasimadda dalka Maraykanka, tani ayaana ka dhigan in isbuuc ka dib ay caasimaddu marti galisay weerarkii labaad oo toogasho ah.
About The Author
