Kumannaan ka tirsan ciidamada kuffaarta afrikaanta ee duullaanka ashahaada la dirinimo ku jooga Somalia ayaa ka cabanaya dhaqaale darro baahsan xilli uu soo dhowaaday waqtigii loo asteeyay in ay isaga baxaan waddanka.
Ciidamada Uganda ee ku sugan Koonfurta Soomaaliya ayaan wax mushaar ah qaadan muddo 12 bilood ah sida ay xaqiijiyeen saraakiisha taliska lagu magacaabo UPDF.
Ilo wareedyo ayaa u sheegay wargeyska The EastAfrican in kumannaan ka tirsan ciidamada Uganda oo dabayaaqadii sannadii 2022 laga saaray Soomaaliya ay dalkooda dib ugu laabteen iyagoo aan wax mushaar ah qaadan muddo 12 bilood ah.
Ciidamo bishii December bedel ahaan loo keenay Soomaaliya ayaa iyana weli wax mushaar ah qaadan waxaa kasii daran in ciidamada ATMIS uu ka maqanyahay mushaarka 9 bilood oo sannadii 2021-kii ah.
Saraakiil hoosaadyada ciidamada UPDF ayaa tuhunsan in taliska sare ee ciidanka Uganda ay musuq maasuqeen mushaarkii ciidamada ATMIS ee Soomaaliya ka dagaallamaya.
Madaxa dhaqaalaha Ururka Midowga Yurub oo arrintan wax laga weydiiyay ayaa ku jawaabay in ay bixiyaan mushaarka dhammaan ciidamada Uganda ee ku sugan Soomaaliya arrinkaas oo shaki hor leh abuuray.
Uganda ayaa ka mid ah dowladaha ugu musuq maasuqa badan qaaradda Afrika balse kumannaan ka tirsan ciidamadeeda qaabka calooshood u shaqeystanimo uga dagaallama Soomaaliya ayaa xaalad adag wajahaya.
About The Author
