Warsaxaafadeed goordhow kasoo baxay xafiiska warfaafinta ee Xarakada Mujaahidiinta Al-shabaab ayaa si adag loogu beeniyay hadal kasoo yeeray maamulka ashahaada la dirirka ah ee Somaliland kaas oo ku aadan dagaallada ka socda magaalada Laascaanood ee u dhaxeeya dadka deegaanka iyo maleeshiyaadka maamulkan.
Xarakada ayaa si adag u beenisay warka kasoo yeeray maamulka Riddada ah ee Somaliland oo ahaa in ciidamo ka tirsan Mujaahidiinta Al-shabaab ay ka dagaallamayaan magaalada Laascaanood ee xarunta gobolka Sool.
Warsaxaafadeedka Kasoo Baxay Mujaahidiinta Hoos Ka Akhriso.
“18 Rajab 1444H (09 Febraayo 2023) – Xarakada Mujaahidiinta Al-Shabaab waxay si adag u beeninaysaa hadal maanta oo Khamiis ah kasoo yeeray maamulka ridada ah ee isku magacaabay Somaliland, kaas oo wasiir u hadlay uu sheegay in ay magaalada Laascaanood kula dagaalamayaan Mujaahidiinta Al-Shabaab. Xarakada Mujaahidiinta Al-Shabaab waxay xaqiijinaysaa in hadalka kasoo yeeray maamulkaas ridada ah uu yahay mid aan sal iyo raad lahayn.
Xarakada Mujaahidiinta Al-Shabaab ma aqbalayso in magaceeda laga dhigto marmarsiiyo lagu banaysto nafta, maalka iyo sharafta bulshada reer Laascaanood, wuxuuna maamulka ridada ah ee isku magacaabay Somaliland doonayaa inuu eedeymahaas been-abuurka ah kaalmo uga helo gaalada caalamka, si ay ugu taageeraan gumaadka uu ku hayo bulshada Laascaanood.
Xarakada Mujaahidiinta Al-Shabaab waxay mar kale cadaynaysaa inaysan wax lug ah ku lahayn dagaalka ka socda Laascaanood, isla markaana aysan jirin ciidamo Al-Shabaab ah oo ka qayb qaadanaya dagaalkaas, waxayna ugu baaqaysaa cid walba oo ay arintani qusayso inaysan ku kadsoomin been-abuurka kasoo yeeray maamulkaas ridada ah”.
Halkan Ka Akhriso Warsaxaafadeedka Oo PDF.
About The Author
