Maamul goboleedka ashahada la dirirka ah ee isku magacaabay Puntland ayaa mar kale kasoo horjeestay tallaabo ay qaaday kooxda Riddada Soomaaliya, taas oo qayb ka noqnaysa khilaafka siyaasadeed ee ka dhex aloosan maamullada Garoowe iyo kan Muqdisho.
Warqoraal ah oo kasoo baxay waxay ugu yeeraan wazaaradda Kalluumeysiga ee Puntland ayaa lagu sheegay in uu maamulkaasi ashahaada la dirirka kasoo hor jeedo qorshe ay waddo wazaaradda waxay ugu yeeraan Kalluumeysiga kooxda Riddada, taas oo lagu wado in la hor geeyo baarlamaanka Riddada si ay u ansixiyaan.
Waxay ku eedeeyeen in wazaaraddan ay tumatay shuruuc gaaleedka u degsan iyo heshiisyo ay horay u wada galeen, taas oo keentay inay kasoo horjeestaan.
“Waxaan aad uga xunahay in wasaaradda Kalluumeysiga ee DF ay si joogto ah ugu tumaneyso dhammaan shuruucda dalka iyo heshiisyadii horay loo galay, waxayna qaaday tallaabooyin is xigxigay oo ku carqaladeyneyso dowladnimada”, Ayaa lagu yiri qoraalka kasoo baxay maamulka Riddada ah ee Puntland.
Hadalkan kasoo yeeray maamulka Riddada ah ee fadhigiisu yahay Garoowe ayaa kusoo beegaya xilli uu faraha kasii baxay khilaafka siyaasadeed ee ka dhex aloosan labadan maamul, kaas oo salka ku haya arrimaha maamulka iyo awoodaha.
Dhanka kale dowladda Ingiriiska ayaa ku dhawaaqday go’aan ka dhan ah maamulka ashahaada la dirirka ah ee isku magacaabay Somaliland, ka dib colaaddii uu maamulkan ka hurisay magaalada Laascaanood ee caasimadda gobolka Sool ee waqooyi bari Soomaaliya.
Qoraal kasoo baxay xukuumadda Uk ayaa lagu sheegay inay jarteen kharashaadkii ay ku bixin jireen ciidamada maamulka Somaliland, waxayna tani ka dambeysay ka dib dagaalladii uu maamulkaasi ka galay Laascaanood.
About The Author
