Inta la hubiyay ugu yaraan 9 askari oo murtadiin ah ayaa dhinray halka kalena 10 kalena ay dhaawacmeen ka gadaal markii maleeshiyaadkaasi silsilado qaraxyo ah lagula eegtay duleedka magaalada Kismaayo, xilli iyagoo gurmad ah kusii jeedeen saldhigga murtadiinta ee Janaay Cabdalle.
Ilo wareedyo masuul ah ayaa xaqiijiyay in qaar ka mid ah qaraxyada ay ka dhaceen afaafka hore ee xeradaas, halka qaar kalena ay ka dhaceen waddada xiriirisa Buulo-gaduud iyo Janaay Cabdalle, waxayna weeraradan qaraxyada ah kusoo beegmayaan xilli weerar ugu yaraan 89 askar iyo saraakiil isugu jira oo murtadiin ah uu ka dhacay deegaanka Janaay Cabdalle halkaas oo lagu beegsaday maleeshiyaadka Riddada Jubbland, kuwa uu soo rabiyay Maraykanka ee loo yaqaan Danab, kuwa lagu soo tabobaray Imaaraadka carabta iyo maleeshiyaadka kooxda Riddada.
Dhanka kale howlgal qorsheysan oo ay ciidamada mujaahidiintu ka fuliyeen xaafadda Xoosh degmada Dharkeeynley ee magaalada Muqdisho waxay ku khaarajiyeen sarkaal 2 xidigle ah oo ka tirsanaa millatariga Riddada kaas oo lagu magacaabi jiray Cabdiraxmaan Tuure.
Howlgal kale oo ay mujaahidiintu ka fuliyeen deegaanka Ceelasha biyaha gaar ahaan xaafadda Jabad Geelle waxay ku dileen mid ka mid ah kooxaha ciyaal weerarada oo ka mid ah kooxaha dhibaatada ku haya bulshada ku dhaqan caasimadda Soomaaliya.
About The Author
