Ugu yaraan 4 qof oo Yahuud ah ayaa ku dhaawacantay weerar toogasho ah oo ka dhacay woqooyiga Daanta Galbeed, oo ka mid dhulalka ku hoos jira gumeysiga Yahuudda.
Warbaahinta maamulka gumeystaha Yahuudda ayaa xaqiijisay weerarkan toogashada ah, oo uu fuliyay qof Filistiini ah, waxayna xustay in weerarka uu ka dhacay meel u dhow tuulada Ya`bad ee dhacda duleedka Jenin, qofka weeraryahanka ah ayay sheegtay in uu gaarigiisa kasoo dhex toogtay baabuur kale oo ay wateen Yahuudda.
Waxay taasi keentay dhaawaca 4 xubnood oo Yahuud ah, waxayna warbaahinta Yahuuddu intaas ku dartay in qofka muslimka ah ee weerarka ka dambeeyay ay u suuragashay. in si nabad ah ku baxsado.
Dhinaca kale maleeshiyaadka maamulka gumeysiga ayaa toogasho ku dilay wiil dhalinyaro Filastiini ah oo la oran jiray Faaris Xashaash, xilli ay ku guda jireen duullaan ay ku qaadeen xerada Balata ee dhacda magaalada Nablus, sida ay xaqiijiyeen ilo wareedyo maxalli ah.
About The Author
