Murtad Cali Jayte cismaan oo murtadiinta ugu magacownaa guddoomiyaha maamulka Riddada Hiiraan, saacadihii lasoo dhaafayna uu xilkaas ka xayuubiyay madaxa maamul goboleedka ashahaada la dirirka ah ee Hirshabeelle, ayaa si adag uga soo horjeestay tallaabada xilka looga qaaday.
Shir jaraa’id oo uu galabta ku qabtay magaalada Beledweyne ee xarunta gobolka Hiiraan, ayuu murtad Cali Jayte si kulul uga hadlay go’aankii xilka looga xayuubiyay, wuxuu sheegay in gobolka Hiiraan uusan kasii mid ahaan doonin, maamulka loogu yeero Hirshabeelle.
Murtad Cali Jayte oo sii hadlayay ayaa sheegay in uu soo rogay Bandow cir iyo dhul ah, isagoo tilmaamay inaysan jiri doonin diyaarad sida shakhsi ka tirsan Hirshabeelle oo kasoo degi karta garoonka Beledweyne, iyo gaadiid dhulka ahba.
Hadalkan ayaa kusoo beegmaya iyadoo wareegto kasoo baxday xafiiska madaxa maamul goboleedka ashahaada la dirirka ah ee Hirshabeelle murtad Cali Guudlaawe, xilkii looga eryay guddoomiyihii murtadiinta ugu magacownaa gobolka Hiiraanm murtad Cali Jayte, arrintan ayaa sidoo kale kusoo beegmayso xilli maanta magaalada Beledweyne ay ka taagnaayeen xiisado ka dhashay xilka qaadista lagu sameeyay guddoomiyihii Riddada Hiiraan.
About The Author
