Inta la xaqiijiyay ugu yaraan 7 qof ayaa ku dhintay shil baabuur oo aad u xooggan, kaasi oo saacadihii lasoo dhaafay ka dhacay koonfurta waddanka Maraykanka, halkaas oo sidoo kale laga soo tabiyay khasaare baaxad leh.
Shilkan baabuur ayaa yimid kaddib markii ay ceeryaamo xooggan qarisay deegaanno badan oo ka tirsan koonfurta Maraykanka, taasi oo keentay in in ka badan 150 baabuur ay isku dhaceen, sida ay sheegeen masuuliyiin ka tirsan dowladda Maraykanka.
Wakaaladda wararka ee Faransiiska oo soo xiganayso saraakiil ka tirsan booliska ayaa sheegtay in baaritaano horudhac ah oo la sameeyay ay muujinayaan in ugu yaraan 158 baabuur ay isku dhaceen.
“7 qof ayaa la xaqiijiyay inay dhinteen, waxaana suuragal ah in tirada dhimashada ay sii korodho,” waxaa sidaas yiri sarkaal boolis, in ka badan 25 qof oo dhaawacyo qaba ayaa la dhigay xarumaha caafimaadka, kuwaas oo isugu jira kuwa fudud iyo kuwa culus.
Hoos Ka Daawo Sawirrada.
About The Author
