Wararka ka imaanaya magaalada Baardheere ee gobolka Gedo ayaa sheegaya in buundadii magaaladaasi oo la dhisay qarnigii tagay ay gelinkii dambe ee maanta gabi ahaanba go’day, sababo ku aadan biyaha aadka xooggan ee uu waday wabiga Jubbada ee mara degmadaasi.
Xaalad aad u cakiran ayaa galabta lasoo sheegayaa inay ka taagan tahay degmada Baardheere , bulshada ku dhaqan magaaladaasi oo markii horeba ay kala jareen daadadka ayay haddana dumitaanka buundada kaga dhigan tahay mid xaalad sii adkeysay.
Inbadan oo ka mid ah dadka ku dhaqan degmada Baardheere ayaa isaga barakacay guryahooda, kuwaas oo naftooda kala cararay daadadka kasoo rogmaday wabiga iyo magaalada nawaaxigeeda.
About The Author
