Kalimad muhiim ah oo uu jeediyay Sh Cali Maxamuud Raage oo ah afhayeenka Xarakada Mujaahidiinta Al-shabaab ayuu kaga hadlay roobabka dayta iyo fatahaadda sannadkan ka jira guud ahaan caalamka, gaar ahaan Soomaaliya.
Sheekh ayaa kalimaddiisa ugu horrayn Allaah uga mahadceliyay raxmaddiisa roobka, sidoo kale waxa uu sheekha ka hadlay saamaynta ay reebeen fatahaadaha ka dhashay daadadka, Sheekha ayaa dadka muslimiinta ah ugu baaqay in ay is garab qabtaan.
Sheekh Cali Maxamuud Raage ayaa ku dhawaaqay guddi ka kooban 4 xubnood oo isugu jira culimo, masuuliyiin iyo odayaal dhaqameed oo uu masuul u yahay Sheekh Maxamed Abuu Usaama waaligii hore ee wilaayada islaamiga ah ee Sh/hoose, waxaana guddigaasi xubno ka ah Sheekh Xasan Yacquub Cali, Sheekh Maxammed Balli oo ka mid ah culimada wilaayaadka islaamiga ah iyo Nabaddoon Shaacirul islaam oo ah guddoomiyaha odayaasha dhaqanka islaamiga ah ee wilaayaadka dalka.
Guddigan ayay xarakadu u xilsaartay inuu ka howlgalo maaraynta fatahaadaha socda iyo kuwa la filayo, Sheekh Cali Maxamuud Raage ayaana bulshada Soomaaliyeed ee muslimiinta ah ugu baaqay inay la shaqeeyaan, kuna garab istaagaan fududaynta inay si hufan u gutaan howsha culus ee loo igmaday.
Halkan Ka Dhagayso Kalimadda Afhayeenka Mujaahidiinta.
About The Author
