Maleeshiyaadka maamulka gumeystaha Yahuuda ayaa weeraro iyo duulaano isdaba joog ah ku haya deegaano kala duwan oo ka tirsan Daanta Galbeed ee Falastiin, iyagoo halkaas kala kulmaya iska caabin adag oo ay samaynayaan dhalinyarada Falastiiniyiinta ah.
Ragga sida firfircoon usoo tabiya dhacdooyinka ka jira Falastiin waxay soo sheegeen in maleeshiyaadka Yahuudda ay gudaha u galeen magaalada Naablus iyo tuulooyin dhowr ah oo kuyaal koonfurta iyo bariga mandiqadaasi, waxaana ujeedka ugu wayn ee Yahuudda lagu sheegay inuu yahay inay qaadaan olole qabqabasho ah.
Ciidanka gumeystaha ayaa sidoo kale gudaha u galay magaalada Yadha iyo dhowr magaaloo kale oo ay ka mid yihiin Al-khaliil iyo Dukarraam, kooxaha wax iska caabinta Falastiiniyiinta ayaana si adag isaga caabiyay duullaannadaasi cusub ee ay soo qaadeen Yahuudda.
Dhanka kale, wazaaradda caafimaadka ee Gaza ayaa ku dhawaaqday in tirada shuhadada ee ka dhalatay duqeymaha bahalnimo ee maleeshiyaadka maamulka Yahuuddu ku hayaan marinka Marinka tan iyo 7-dii Oktoober ay gaartay 11,78 oo Falastiiniyiin ah, waxaana shuhadadaasi ka mid ah 4,506 caruur ah, 3,027 xubnood oo haween ah, iyo 678 qof oo waayeel ah, dhaawacyaduna waxay ka badanyihiin 27,000.
About The Author
