Khasaare kala duwan oo isugu jira dhimasho iyo mid maaliyadeed ayaa ka dhashay dagaallo xooggan oo ciidamada dowladda Riddada ee Turkiga iyo ciidamo ka tirsan Kurdida ku dhexmaray waqooyiga waddanka Ciraaq, sida ay sheegtay xukuumadda Ankara.
Wazaaradda gaashaandhigga ee xukuumadda Ankara ayaa sheegtay, in 3 askari oo ka tirsan ciidamadeeda lagu dilay dagaallo ay la galeen ciidanka PKK ee Kurdida ah ee ku sugan waqooyiga waddanka Ciraaq.
Wakaaladda wararka u faafisa Turkiga ee Anaadool ayaa sheegtay in weerarka oo ahaa mid xooggan subaxnimadii hore ee maanta ka dhacay aagga howlgallada ee Al-qafla ee dhacda waqooyiga Ciraaq.
Weerarkan lagu dilay askarta Turkida ayaa kusoo beegmaya xilli dhanka kale uu Turkigu wado weeraro ka dhan ah PKK-da, kuwaas oo uu ku beegsanayo xooggaga Kurdida ee ku sugan waddamada Ciraaq iyo Suuriya.
About The Author
