Inta la hubiyay ugu yaraan 7 xubnood oo Kenyaati ah ayaa ku dhintay halka tiro intaas ka badanna ay ku dhaawacmeen, kaddib shil xooggan oo ka dhacay ismaamulka Nakuru ee dalka Kenya.
Warbaahinta maxalliga ah ee Kenya oo soo xiganaya saraakiil ka tirsan booliska ayaa sheegtay in shilkan oo ahaa mid gaari uu yimid, kaddib markii uu rogmaday gaari nooca Mataatuuda ah oo ku socdaalayay nawaaxiga Eveready ee waddada Nakuru-eldoret ee ismaamulka Nakuru.
Goobjoogeyaal ayaa soo sheegay in shilka uu yimid kaddib markii ay isku dhaceen gaariga Mataatuuda ah oo cillad ku timid farriinka u goostay iyo gaari kale oo noociisu ahaa tareen yar.
Saraakiisha boolisku waxay sheegeen in mid ka mid ah gaadiidka isku dhacay uu dalagga galleyda kasoo qaaday dhanka Eldoret, kaantaroolkana uu lumiyay, taas oo keentay in uu ku dhaco gaariga yar ee xamuulka ah, wallow gaadiidleydu ay sheegeen in sababta ugu wayn ee shilka keenay uu ahaa booliska oo jid-gooyo dhigtay waddada ay gaadiidku maraan, si ay lacago laaluush ah uga qaataan gaadiidleyda halkaas ku socdaala.
Shilkan waxaa sidoo kale ku dhaawacay 19 xubnood, kuwaas oo badi lasoo wariyay in dhaawacyadoodu yihiin kuwa halis ah, qaarkoodna durba loola cararay xarumaha caafimaadka.
About The Author
