Dowladda Riddada ah ee Imaaraadka Carabta ayaa war kasoo saartay howlgalkii Inqimaasiga ee xalay mujaahidiintu ka fuliyeen xerada General Gordon ee magaalada Muqdisho, halkaas oo Allaah fadligiis looga laayay saraakiishii ugu sarreysay ee imaaraadka u qaabilsanaa duullaankeeda ashahaada la dirirka ah ee Soomaaliya.
Wazaaradda gaashaandhigga ee Imaaraadku waxay aad u yaraysay numberka laga dilay, waxay sheegtay in saddex sarkaal looga dilay howlgalkan barakaysan iyo sarkaal sare oo ka tirsanaa ciidamada dowladda Riddada Baxrayn, kaas oo ka mid ahaa murtazaqada Imaaraadka usoo kiraysatay duullaankiisa ka dhanka ah shareecada islaamka ee uu kaga jiro Soomaaliya.
Taliska ciidanka Mujaahidiinta Al-shabaab, waxa uu si horudhac ah u xaqiijiyay in howlgalkii Inqimaasiga ee ciidanka mujaahidiintu ka fuliyeen xerada General Gordon, gaar ahaan halka ay ku sugnaayeen taliska saraakiisha ajanabiga ah ee ku yaalla gudaha xerada ciidamada Goordan, xilliga uu weerarku dhacayayna ay taliskaas ku sugnaayeen in ka badan 20 saraakiil iskugu jirta Imaaraat iyo calooshood u shaqaystayaal cadaan iyo madoow leh oo ay iyagu soo kireysteen, Allaah fadligiis looga dilay 17 sarkaal, kuwaas oo ay ku jiraan dhammaan saraakiishii Imaaraatka ee qaabilsanaa duullaanka Soomaaliya.
Dhanka kale, murtad Xassan Gurguurte ayaa lagu amray in uu booqdo cisbitaalka lagula tacaalayay dhaawacyada qaar ka mid ah saraakiisha howlgalkan Inqimaasiga ah ku dhaawacantay, saacado kooban kaddib ayuuna booqday cisbitaalka Digfeer, isagoo dowladda Imaaraadka ee uu camiilka u yahay la qaybsaday xanuunka ku dhacay.
About The Author
