Xilli bangiyada Itoobiya aad looga cabanayay maalmihii lasoo dhaafay, lana sheegayay in lacagaha lagala baxayo oo la dhacayo Akoonnada shakhsiga ah, ayuu midowga gaalada Africa ku dhawaaqay in uu dhacay isku day weerar oo la doonayay in akoon ay ku leeyihiin bangi kuyaal magaalada Addis-ababa ee caasimadda Itoobiya lagala baxo lacago malaayiin Dollar ah.
Bayaan kasoo baxay ururkan xaruntiisu tahay Addis-ababa, ayaa lagu xaqiijiyay isku dayga lagu beegsaday akoonka ay ku leeyihiin bankiga ganacsiga Itoobiya ee lagu magacaabo (CBE), waxayna bayaankooda ku sheegeen in uu fashil kusoo idlaaday isku daygaasi.
Ururka midowga Africa ayaa sheegay in lacagta laga dhici rabay Akoonka ay ku leeyihiin Baanka Itoobiya ee Addis-ababa ay gaarayso ilaa lix milyan oo dollaraka Maraykanka ah, falkaan dhacay ayayna ku sheegeen in uu ahaa mid musuqmaasuq ah oo la doonayay in lagula wareego hantidooda.
Bankiga Itoobiya ayaa la wariyay in 15-ka bishii lasoo dhaafay Abriil loo gudbiyay amar lacag la bixid ah, amarkaasi waxaa bixiyay baa la yiri xubin aan ururkaasi ka tirsanayn, taasi oo keentay in ururka Midowga Africa uu dib u eegis ku sameeyo qorshaha socday kaddibna uu sidaas kaga hortagay.
Ilo wareedyo gudaha ah ayaa sheegaya in mashruuca lacag la bixidda loo xiray shakhsiyaad gaar ah, oo uu ka mid ka mid ah yahay nid baadari ah oo ku sugan magaalada Addis-ababa, arintan ayaa maalmihii lasoo dhaafay hadal hayn ka dhalisay gudaha caasimadda Itoobiya, iyadoo markii ugu horreysayna ay qirteen ururkaasi.
About The Author
