Madaxdii hore ee kooxda Riddada Soomaaliya, murtad Maxamed Cabdullaahi Farmaajo iyo murtad Shariif sheikh Axmed, ayaa si adag uga soo horjeestay war-murtiyeed kasoo baxay shirkii Muqdisho uga socday Xassan Gurguurte iyo 4 ka mid ah madaxda maamul goboleedyda Riddada.
Shariif murtad, ayaa qoraal rasmi ah oo uu soo saaray kaga soo horjeestay qodobbada kasoo baxay shirka Muqdisho kusoo dhamaaday, isagoo si gaara eedeeyn culus ugu jeediyay madaxa kooxda Riddada, mrtad Xasan Sheikh Maxamuud.
Wuxuu Gurguurte ku eedeeyay in uu ku howlan yahay in talada hoggaanka Riddada uu isagu isku koobo, taas oo uu tilmaamay in uu ugu gogol xaarayo muddo kororsi iyo doorashada soo socota uu kaligiisa maamuo, sidoo kalena uu faragelin ku hayo arimaha maamul goboleedyada, si gaar ahna arrimaha doorashooyinka.
Shariif murtad, ayaa sido kale qoraalkiisa ku sheegay in aysan dalka ka dhici karin doorasho uu murtad Xasan Sheekh kaligiis kasoo shaqeeyay, kana soo bixi doonin natiijo la isku raacsan yahay, waa sida uu hadalka u dhigaye.
Dhankiisa, murtad Farmaajo ayaa kasoo horjeestay shirka Muqdisho ugu soo dhamaaday madaxda kooxda Riddada iyo kuwa maamul goboleedyada ah, qoraal uu soo saaray ayuu ku sheegay in qodobbada kasoo baxay shirka u dhaxeeyay madaxdaasi ay sii hurinayaan xiisadda siyaasadeed.
“Waxaa nasiib darro in wali hoggaanka dalku sii wadaan qorsheyaal gurracan oo ka turjumaya danahooda gaarka ah, kuwaas oo uga sii daraya xiisadda siyaasadeed ee dalka, wiiqayana dowladnimada iyo sharciyadda Hay’adaha dowladda,” ayaa lagu yiri nuqul ka mid ah qoraalka kasoo baxay Farmaajo.
Wuxuu Farmaajo sidoo kale walaac ka muujiyay maqnaanshaha murtad Siciid Deni ee kulamada waxay ugu yeeraan golaha wadatashiga Qaran, isaga oo sheegay in taasi muujinayso kalsooni darro ka taagan golahaasi dhexdiisa.
Murtad Siciid Cabdullaahi Deni, ayaa si adag uga soo horjeestay qodobbada kasoo baxay shirka Muqdisho ugu soo gaboobay madaxda kooxda Riddada iyo 4-ta madax goboleed ee ashahaada la dirirka ah.
About The Author
