Maamulka ashahaada la dirirka ah ee isku magacaabay Puntland, ayaa lacago baad dheeraad ah kusoo rogay ganacsatada ka howlgala suuqayada magaalada Boosaaso ee xarunta gobolka Bari, taasi oo ay si wayn u diideen ganacsatada suuqyadaasi.
Dadka ku dhaqan magaalada Boosaaso, gaar ahaan ganacsatadu waxay warbaahinta maxalliga ah u sheegeen in iyagoo markii hore dhibbane u ahaa lacago fara badan oo baad ah oo uu ka qaado maamulka fadhigiisu yahay Garoowe, dhowr meel oo kala duwana looga qaado laga soo billaabo dekadda ilaa goobahooda ganacisga, uu markale maamulkan soo rogay lacago cusub oo baad ah.
Waxay ganascatadu sheegeen in lacagahaasi baadda ah lagu kordhiyay %60, taasi oo ay sheegeen inaysan awoodin bixinteeda, waxayna intaas kusii dareen in loogu daray weerar lagu soo qaaday goobahooda ganacsi, dhowr qofna la xiray qoorkoodna lagu handaday baastoolado iyo hubka ay wateen maleeshiyaadka maamulka Riddada Puntland ka tirsan.
Lacagaha baadda ah ee uu soo rogay maamul goboleedka ashahaada la dirirka ah ee fadhigiisu uu yahay magaalada Garoowe ayaa keenay in ganacsatadu ku dhawaaqaan shaqo joojin, muddo laba maalmood ahna uu suuqa magaaladaasi u xirnaado lacagaha uu maamulkaasi soo rogay.
Muuqaallo lagu faafiyay baraha bulshada ayaa muujinayay maleeshiyo ka tirsan kuwa Siciid Deni oo gaadiidka dagaalka ee dusha ka faydan ku guraya ganacsato ka biya diiday bixinta lacagaha uu soo rogay ee baadda ah.
Maamullada dabadhilifyada u ah saliibiyiinta ayaa ka wada siman inay isbaaro u dhigtaan hantida shacabka, maalmo ka hor ayay ahayd markii shacabka caasimadda ku dhaqan ay ka kacdoomeen baad xargaha goosatay oo uu soo rogay maamulka murtad Xassan Gurguurte.
About The Author
