Dagaal culus oo u dhaxeeyay maleeshiyaad ka wada tirsan murtadiinta, ayaa maanta ka dhacay degmada Bardaale ee gobolka Baay, halkaas oo saraakiil iyo askar ay dhinacyadu isaga dileen.
Wararka ka imaanaya degmada Bardaale waxay sheegayaan in markale gudaha degmadaasi ay maanta isku fara saareen maleeshiyaad daacad u ah murtad Cabdicasiis Laftagareen iyo kuwa kasoo horjeeda.
Dagaalka oo la isku adeegsaday hubka noocyadiisa kala duwan, ayaa lasoo wariyay in dhinacyadu ay isaga dileen dhowr askar iyo saraakiil muhiim ah, sida lagu faafiyay baraha bulshada.
Saraakiisha dagaalladii maanta dhexmaray maleeshiyaadka maamulka la baxay Koonfur galbeed lagu dilay waxaa ka mid ahaa sarkaal la oran jiray Xuseen BKM, kaasi oo la sheegay in uu haystay maleeshiyaadka deegaanka ee dagaalka la galay kuwa Laftagareen.
Labadan maleeshiyo oo kala taabacsan Laftagareen iyo kuwa mucaaradka ku ah, ayaa horay ugu dagaallamay gudaha degmada Bardaale ee gobolka Baay, halkaasi oo ay isaga dileen saraakiil iyo askar labada dhinac ah.
Maanta uun ayay ahayd markii dagaallo culus oo u dhaxeeyay maleeshiyo daacad u ah C/casiis Laftagareen iyo kuwa kale oo isla Riddada ka tirsan ay ka dhaceen inta u dhaxayso Wallanweyn iyo deegaanka Yaaqbari-weyne ee Sh/hoose.
About The Author
