Waxaa lagu soo waramayaa in maleeshiyaadka jabhadda mucaaradka ku ah Abiy Axmed ee Fano ay isku gadaameen mid ka mid ah magaalooyinka istaraatiijiga ee ay gacanta ku hayaan ciidanka dowladda Itoobiya.
Maleeshiyaadka ayaa lasoo sheegay in go’doomiyeen magaalada Woldia oo qiyaastii 520 Kiiloo-mitir dhanka waqooyi kaga beegan magaalada caasimadda ah ee Addis-ababa.
Maleeshiyada Fano ee magaaladaasi go’adoonka saaray ayaa lasoo wariyay inay kasoo kicitameen dhanka magaalooyinka Awura Godana, Tikur Wuha iyo Doro Gibir ee waddanka Itoobiya.
Tsehayu Negash, oo ah isku duwaha iyo dagaal galiyaha maleeshiyada Fano ayaa sheegay in ilaa hadda ay si buuxdo ugu suganyihiin aaggaasi, ayna saareen cuna-qabateyn ciidamada millatariga ee Abiy Axmed Ra’iisul wasaaraha u yahay.
Dhanka kale waxaa Wollo ku sugan laba maleeshiyo oo faano ka tirsan, Fano waxay sheegtay in howlgallada ay ku go’doomisay Woldia ay yihiin kuwa wadajir ah ayna sii socon doonaan, waa sida ay ku sheegeene.
About The Author
