Waxaa dibadda usoo shaac baxay khilaaf xooggan oo ka dhex taagan madaxweynaha dowladda saliibiyadda Kenya iyo ku xigeenkiisa, kaasi oo gaaray mooshin xilka qaadis ah.
Madaxweyne ku xigeenka Kenya, ninka lagu magacaabo Rigathi Gachagua, ayaa soo bandhigay heerka uu gaaray khilaafka kala dhaxeeya William Ruto oo ah madaxweynaha dalkaasi.
Ninkan ayaa sheegay in uu socdo qorshe xilka looga xayuubinayo oo ay wado madaxtooyada looga arrimiyo dalka Kenya, xildhibaannada ayuu sheegay in la iibsaday oo ay diyaarinayaan mooshin isaga ka dhan ah.
Madaxweyne ku xigeenka Kenya, ayaa sheegay in aysan xildhibaannada soo dooranin ee ay shacabkiisa soo doorteen, wuxuu intaas ku daray in haddii xilka laga qaado ay taasi daliil u noqon doonto shaqadiisa.
“Taasi waa go’aankooda ayuu yiri isagoo dhaliilayay qorshaha ay wadaan xubnaha baarlamaanka ee xilka looga qaadayo, wuxuu intaas ku daray. Mawqifkaygu aad buu u cad yahay; Waxaa i doortay shacabka Kenya, Waa dadka Kenya kuwa xaqiijin doona in aan si fiican u shaqeynayo iyo in kale,” ayuu yiri madaxweyne ku xigeenka Kenya.
About The Author
