Subaxnimadii hore ee khamiista maanta waxay ciidanka Sudan biillaabeen duullaan ballaaran oo ay ku beegsanayaan xarumaha maleeshiyada RSF ee ay taageerada ciidan ka helaya dowladda Imaaraadka carabta ee ku sugan magaalada Khartuum ee caasimadda u ah dalkaasi.
Duullaanka millatari ee ciidanka Suudaan qaadeen ayaa beegsaday dhowr goobood oo kuyaal bartamaha, galbeedka iyo koonfurta caasimadda Khartuum.
Iska hor’imaadyo ayaa laga soo wariyay inay ka dhaceen nawaaxiga goobta istiraatiijiga ah ee ku dhow mandiqadda Al-Muqrin ee dhanka galbeed kaga beegan magaalada Khartuum, waxaana la arkayay qiiq madow oo ka soo baxayay koonfurta magaalada caasimadda.
Diyaaradaha dagaalka ee Sudan ayaa si aad ah u dul heehaabayay hawada magaalada Umu_durman, halkaas oo ay ka fuliyeen weeraro dhinaca cirka ah oo ay la beegsadeen xarunta istaraatiijiga ah ee Al-Muqrin ee magaalada Khartum, xaruntaasi oo maleeshiyada gurmadka deg degga ah ay ciidanka millatariga kala wareegeen bishii June 2023-kii.
Ilo wareedyo dhanka deegaanka ah ayaa wargayska Sudan Tribune ee laga leeyahay dalkaasi u sheegay in dhawaqa hubka noocyadiisa kala duwan ee la isku adeegsanayay si aad ah loo maqlayay iyo qiiqa ka dhashay labadan ciidan ee dirirtu dhexmarayso laga arkay bartamaha magaalada Khartoum gaar ahaan suuqa Carabta iyo xarunta taliska guud ee ciidamada.
Warar soo baxay ayaa sheegaya in ciidamada Suudaan ay la wareegeen gacan ku haynta sedaxda buundo ee isku xirta magaalooyinka Khartuum iyo Umu-durmaan.
About The Author
